Zure kantu berogarria, zein?

Horra, zerekin egin nuen topo atzokoan, Andoni Aizpururen “horrelakoa da bizitza” saioan.

Hara! Zenbaiten desioa pizteko gai haiz, Mikel Markez! Ez dek lore makala, gazte horrek bota ziana.

Ba, segituan hasi nintzen ni nere buru-gordailuan arakatzen, nerearen bila, eta… Ez nuen aurkitu. Ezta bakar bat ere, hola, “pizgarria”.

Izango da, zera pentsatzen dedalako beharbada: ez dagoela desioaren baitan sortutako soinuak osatutakoa baino musika ederragorik. Beste edozein musikak, nere ustez, endredatu baino ez du egiten.

Nahiz, aitortzen dedan, inbidia ematen didala, gazte horrek. Nik ere nahi nuke holako bat izan!

Eta zuek? Ze abestik esnatzen du zuen desioa?

Ez dago hemen inolako IP arakatzailerik, estatistika gailurik, edo antzekorik. Edozer idatz dezakezu, modu anonimoan. Modu ez anonimoan ere bai, noski!

Aukera izugarri zabala izan daiteke. Harritu egingo ginateke zenbaiten abesti berogarriak zein diren ezagutuz gero. Hain zuzen, kantu hoiek egoera jakin baten testigu izan baitaitezke besterik gabe, inola ere ez derrigorrez gure gusto musikalen erakusgarri.

Ea ba...

Zein da, laguna, bereziki berotzen, kilikatzen zaituen abesti hori?

____